Annfinn Kragset fortel om spionarbeidet under krigen

Unikt og autentisk kjeldemateriale om krigstida på Søre Sunnmøre fortalt av han som både opplevde og overlevde hendingane. I 1955, altså berre 10 år etter at krigen slutta, valde eg som særarbeid på Firda Gymnas på Sandane å få far til å fortelje om spionarbeidet under krigen på Kvamsøya.  Det vart 2 fulle kladdebøker, og denne beretninga om far og mor sitt samarbeid for aliert krigsmakt i 3 år, er så detaljert og spanande at framtidige forskarar knapt finn liknande sjølopplevd krigshistorie i Norge. På denne Cd-en kan ein lese desse 15 sidene, og dei ligg også som skanna fotografi slik at dei lett kan visast på skjerm.